Masallıdan olan tələbə Türkiyədə vəfat edib. Bu haqda məlumatı Cenublu.az bu gün, 26 oktyabr tarixində Asiya.az-a istinadən verir.
Belə ki, əslən rayonun Bədəlan kəndindən olan və Türkiyədə ali təhsil alan ikinci kurs tələbəsi Muxtar Vüqar oğlu Məmmədzadənin ürək çatışmazlığından dünyasını dəyişdiyi bildirilir.
Qeyd edək ki, Muxtarın valideynləri Vüqar müəllim və Arzu xanım Bədəlan kənd ümumi orta məktəbində müəllimdirlər.
Mərhumun babası Həmdulla Məmmədov rayonun ağsaqqal təhsil işçisi olmaqla uzun müddət təhsil idarəetmə orqanlarında metodist vəzifəsində işləyib.
