Masallı rayon Heydər Əliyev Mərkəzində “Zəfərin təməli” layihəsi çərçivəsində film nümayiş olunub. Bu haqda məlumatı Masallı rayon İcra Hakimiyyəti verib.
Belə ki, rayonun Binə Xocavar kənd tam orta məktəbinin şagirdləri üçün Heydər Əliyev Mərkəzinə ekskursiya və cizgi filmi nümayişi təşkil olunub.
Azərbaycan “Televiziya və Radio Verilişləri” QSC-nin hazırladığı cizgi filmi 2016-cı ildə Azərbaycan ordusunun erməni silahlıları üzərində qələbəsi ilə nəticələnən Aprel döyüşləri və Lələtəpə əməliyyatına həsr olunub.
Qeyd edək ki, Aprel döyüşlərinin 6-cı ildönümü ilə əlaqədar Masallı rayon Heydər Əliyev Mərkəzinin təşkil etdiyi “Zəfərin təməli” layihəsi məktəblilər arasında vətənpərvərlik və Vətənə məhəbbət hisslərinin gücləndirilməsinə xidmət edir.
