Masallıda Xocalı Soyqırımı ilə bağlı film nümayişi baş tutub. Bu haqda 19 fevral tarixində Masallı rayon Gənclər və İdman idarəsinin rəsmi Facebook səhifəsində məlumat paylaşılıb.
Masallı rayon Heydər Əliyev Mərkəzində keçirilən tədbir Gənclər və İdman İdarəsinin və “Masallı Gənclər Evi” sosial xidmət müəssisəsinin təşkilatçılığı ilə baş tutub. Burada Vətən Müharibəsi iştirakçıları, Masallı Dövlət Regional Kollecinin müəllim və tələbələri və digərləri iştirak ediblər. İlk öncə şəhidlərin xatirəsi bir dəqiqəlik sükutla yad olunub. Film nümayişindən öncə “Masallı Gənclər Evi” sosial xidmət müəssisəsinin Metodisdi Tural Sadıqov çıxış edib.
Daha sonra tədbir iştirakçıları “Xocalı – Bir Millətin Kədəri” sənədli filmini izləyiblər.
