Xəzər dənizinin Lənkəran sahilində qanunsuz balıq ovu ilə məşğul olan şəxs saxlanılıb. Bu haqda bu gün, 9 iyun tarixində Cenublu.az APA-ya istinadən xəbər verir.
Dövlət Ekoloji Təhlükəsizlik Xidmətinin verdiyi məlumata əsasən, araşdırmalar zamanı brakonyerin Lənkəran şəhər sakini Adil Ağayev olduğu müəyyən edilib. Xidmətin rəisi Bəhruz Məmmədov bildirib ki, qanun pozucusu barəsində protokol tərtib edilib və qanuna müvafiq tədbir görülüb. Təbiətə dəymiş ziyanın məbləği cinayət tərkibi yaratdığından, toplanmış sənədlər Su Nəqliyyatında Polis İdarəsinə göndərilməsi üçün hazırlanır.
