Lənkəranda magistratura pilləsinə imtahan fevralın 19-u keçiriləcək. Bu haqda məlumat bu gün, 16 fevral tarixində Dövlət İmtahan Mərkəzinin rəsmi saytında paylaşılıb.
Ali təhsil müəssisələrinin və Azərbaycan Milli Elmlər Akademiyasının magistraturalarına qəbul imtahanı Lənkəranda 2 binada təşkil olunacaq. İmtahan verənlərin nəzərinə çatdırılır ki, imtahanın başlanmasına 15 dəqiqə qalmış – saat 10:45-də buraxılış rejimi başa çatır.
Qeyd edək ki, Lənkəranda 406 bakalavrın imtahan verəcəyi gözlənilir.
İmtahan bütün binalarda eyni vaxtda – saat 11:00-da başlacaq və 3 saat davam edəcək.
Bakalavrlar imtahana gələrkən aşağıda göstərilən sənədləri mütləq özləri ilə gətirməlidirlər:
- – Şəxsiyyəti təsdiq edən sənədin əslini;
- – “İmtahana buraxılış vərəqəsi”ni.
