Lənkəran rayonunun Girdəni kəndində yerləşən qəzalı dayanacaq yenisi ilə əvəzlənib. Bu barədə məlumatı yerli sakinlər bu gün, 21 oktyabr tarixində Cenublu.az-a veriblər.
Daha öncə xəbər verdiyimiz kimi, Şirəli Axundov küçəsi, Təzə kənddən İstisu qəsəbəsinə gedən yolda yerləşən ötən əsrdən qalma dayanacaq bu müddət ərzində yenilənməmişdir.
Xəbər işıqlandırıldıqdan sonra köhnə dayanacaq götürülüb və əvəzinə şüşəsi olmayan, ətrafı açıq dayanacaq yerləşdirilib.
“Ümid edirik ki, dayanacağın ətrafı bağlanacaq və biz küləkli və soyuq havada rahat oturub, orada avtobus gözləyə biləcəyik”, – sakinlər bildiriblər.
