SON XƏBƏRLƏR

Lənkəranda “Yeniyetmə və gəncləri radikalizm və ekstremizm təhlükəsindən qoruyaq!” mövzusunda tədbir keçirilib. Bu haqda məlumat Dini Qurumlarla İş üzrə Dövlət Komitəsinin (DQİDK) rəsmi saytında paylaşılıb.

Lənkəran şəhəri 2 saylı tam orta məktəbdə baş tutan görüş Lənkəran bölgəsi üzrə şöbəsi və Lənkəran Şəhər Təhsil Şöbəsinin birgə təşkilatçılığı ilə keçirilib.

Tədbir zamanı DQİDK Lənkəran bölgəsi üzrə şöbəsinin əməkdaşı Emin Həmidli dini radikalizm, ekstremizm və onların mahiyyəti barədə məlumat verib. Gənclərin pis vərdişlərdən və radikal dini təsirlərin altına düşməmək üçün dövlətin həyata keçirdiyi tədbirlərdən bəhs edilib.

O həmçinin, xalqımızın zəngin milli-mənəvi dəyərlərinin gənclər arasında fəal təbliğ edilməsinin vacibliyini qeyd edib.

Görüşün sonunda tədbirdə iştirak edənlərin sualları cavablandırılıb.