4 sentyabr Lənkəranda polis əməkdaşlarının keçirdikləri yoxlamalar zamanı, yaşayış yerini tərk edən aktiv koronavirus xəstəsi aşkarlanıb. Bu haqda məlumatı Report verir.
Məlumata əsasən, Lənkəran rayon sakini T.Cavadovaya COVID-19 infeksiyası testinin pozitiv nəticəsinə görə, ev şəraitində müalicə təyin edilib. Lakin o, yaşayış yerini tərk edib.
Vətəndaşla izahedici söhbətlər aparıldıqdan sonra o, yaşadığı ünvanına qaytarılıb.
Həmin şəxs barəsində Cinayət Məcəlləsinin 139-1.1-ci (Epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanılıb.
