SON XƏBƏRLƏR

15 avqust Lənkəranda “Köz təndir” adlı qısametrajlı bədii-sənədli filmin təqdimatı keçirilib. Film Bakı küçələrinin birində çörək bişirməklə pul qazanan iki qadının həyatından bəhs edir.

Filmin müəllifi Azərbaycan Dövlət Mədəniyyət və İncəsənət Universitetinin kino və televiziya fakültəsinin kino rejissorluq ixtisasında təhsil alan, III kurs tələbəsi Səməd Mehribandır, quruluşçu operatoru və bəstəkarı Məhəmməd Osman, montajçısı Səməd Mehriban və Məhəmməd Osman, poster dizayneri Aslan Ağamirzəyevdir, prodüserləri Rahim Ağayev və Orxan Atadır.