SON XƏBƏRLƏR

Lənkəranda “TaktİKİ” intellektual oyununun qalibi müəyyən olub. Bu haqda bu gün, 8 noyabr tarixində Lənkəran Gənclər evinin rəsmi Facebook səhifəsində paylaşılıb.

Gənclərin İnkişafı və Karyera Mərkəzinin Lənkəran nümayəndəliyinin təşkilatçılığı ilə keçirilən yarışma Heydər Əliyev Xatirə Parkında baş tutub və 4 tur davam edib.

Sonuncu mərhələdə suallara düzgün cavab verən “Lider” komandası yarışmanın qalibi olub.

Mərkəz tərəfindən yarışmada ilk 3 yeri tutan komandalar mükafatlandırılıb, diplom və medallarla təltif olunub.