Lənkəran şəhər sakinləri narkotiklərin qanunsuz dövriyyəsi ilə məşğul olduqlarına görə saxlanılıblar. Bu haqda məlumat bu gün, 7 dekabr tarixində Daxili İşlər Nazirliyinin rəsmi saytında paylaşılıb.
Lənkəran Şəhər Rayon Polis Şöbəsinin əməkdaşlarının keçirdikləri əməliyyat tədbiri nəticəsində F.Ağayev və E.Kərimov saxlanılıblar. Onların üzərində heroin aşkar edilərək götürülüb.
Əlavə araşdırma zamanı məlum olub ki, onlar rayon ərazisində 7 ev qarət ediblər. Şübhəli bilinənlər evlərdən təmir-tikinti alətləri, inşaat materialları, su qızdırıcısı, su mühərriki və avtomobil ehtiyat hissələri, habelə 1 mağazadan təkər diski və dəmir lövhə oğurlayıblar.
Qeyd edək ki, E.Kərimov əvvəllərdə məhkum olunub.
