Lənkəran Peşə liseyində “İnsan alveri: İnsanların istismar olunmasının digər formaları və İnsan alverində gender xüsusiyyətləri” mövzusunda tədbir keçirilib. Bu haqda məlumat bu gün, 18 oktyabr tarixində liseyin rəsmi Facebook səhifəsində dərc edilib.
Tədbir Azərbaycan Respublikası Prezidentinin Sərəncamı ilə təsdiq olunmuş “Azərbaycan Respublikasında İnsan alverinə qarşı mübarizəyə dair Milli Fəaliyyət Planına” əsasən baş tutub.
Maarifləndirmə tədbiri Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İnsan Alveri Qurbanlarına Yardım Mərkəzi Publik Hüquqi Şəxs tərəfindən hazırlanmışdır.
