SON XƏBƏRLƏR

Lənkəran Dövlət Universitetinin bakalavriat dərcəsinə qəbul başlanıldı. Bu haqda universitetin rəsmi saytında dərc edilib.

Tələbə adını qazanmış şəxslər 19 sentyabr 2021-ci il, saat 23:59-dək portal.edu.az internet ünvanına daxil olmaqla, “Ali və orta ixtisas təhsili müəssisələrinə təhsilalan qeydiyyatı” xidmətini seçib qeydiyyatdan keçməlidirlər.

Abituriyentlər qeydiyyatdan keçdikdə aşağıdakı sənədlərin portal.edu.az saytına skan versiyalarını əlavə etməlidirlər:

  • Şəxsiyyət vəsiqəsinin (hər iki üzü)
  • Abituriyentin qəbul olunması barədə DİM-in saytındakı şəxsi səhifəsindən çıxarış
  • Əvvəlki təhsili barədə sənəd (attestat və ya əvvəlki təhsili barədə diplom)
  • Oğlanlar üçün ilkin hərbi qeydiyyata alınma haqqında vəsiqə və ya hərbi bilet (möhür olan bütün səhifələr təqdim olunmalıdır)
  • Ödənişli əsaslarla qəbul olanlar müvafiq ixtisas üzrə illik təhsil haqqının ən azı 50 (əlli) faizini ödəməlidir.

Abituriyentlər ödənişi 2 formada edə bilərlər:

  1. portal.edu.az saytında “Ödəniş et” bölməsinə daxil olaraq kart vasitəsi ilə.
  2. Kapital Bankın ödəniş terminalları vasitəsi ilə həyata keçirilə bilərlər.

Terminal ilə ödəniş qaydası: https://www.youtube.com/watch?v=CAVbuUZuWn4