Bu gün, 1 noyabr tarixində şəhidlərimiz Kənan Hamil oğlu Axundzadənin və Elnur Gəgiş oğlu Talıbovun ildönümüdür. Bu haqda məlumatı Cenublu.az verir.
İldönümü ilə əlaqədar şəhidlərimimiz məzarları şəhər İcra Hakimiyyətinin başçısı Taleh Qaraşov, Lənkəran Şəhər Gənclər və İdman İdarəsinin əməkdaşları və digərləri ziyarət ediblər.
26 yaşlı şəhidimiz Kənan Axundzadə Xocavənd rayonu istiqamətində, Uryandağ yüksəkliyi uğrunda gedən döyüşlərdə qəhrəmancasına şəhid olub. Girdəni kəndində dəfn olunub.
Ölümündən sonra “Vətən uğrunda”, “Füzulinin azad olunmasına görə” və “Cəbrayılın azad olunmasına görə” medalları ilə təltif edilib.
24 yaşlı şəhidimiz Elməddin Məmmədli Füzuli əməliyyatı və Xocavənd döyüşlərində iştirak edib və qəlpə yarası alaraq şəhid olub. Ölümündən sonra “Vətən uğrunda”, “Cəsur döyüşçü”, “Cəbrayılın azad olunması”, “Qubadlının azad olunması”, “Vətən müharibəsi iştirakçısı” medalları ilə təltif edilib.
