DİN əməkdaşları tərəfindən keçirilən əməliyyat nəticəsində, bir qadın daxil olmaqla, narkotik satmaqda şübhəli bilinən 16 nəfər saxlanıldı. Bu barədə 23 iyul tarixində DİN Mətbuat Xidmətinin Lənkəran regional qrupundan məlumat verilib.
Yerli polis əməkdaşlarının verdiyi məlumata görə, axtarış zamanı yerli kənd sakini Valeh Bayramlıdan 147 qram metamfetamin, 105 qram heroin və elektron tərəzi aşkar edilərək götürülüb.
Narkotiklə mübarizə əməliyyatı zamanı Lənkəran rayon sakinləri Rəhid Rəhimov, Əfqan Muradov, İman Bağırov, Elşən Yaqubov, Natiq Bağırov, Cavid Məmmədov, Rəhid Əliyev, Ellada Qasımova və Oqtay Hüseynov saxlanıldı. Ümumilikdə onlardan 48 paket heroin və metamfetamin aşkar edilərək götürülüb.
Həmçinin, Göyşaban kənd sakinləri Anar Xəlilov, Həsən Qurbanov, Rasim Cavadov, Cəfər Mustafayev, Qiyamət Abizadə və Valeh Nəcəfov tutulublar. Ümumilikdə, üzərində 54 paket heroin və metamfetamin, həmçinin 6 elektron tərəzi aşkar edilmişdir.
