Cəlilabad sakini quldurluqda şübhəli bilindiyinə görə saxlanılıb. Bu haqda bu gün, 18 aprel tarixində Cenublu.az DİN-ə istinadən xəbər verir.
Sumqayıt şəhər sakini olan bir qadın pulunun, qızıl-zinət əşyalarının və telefonunun aldatma yolu ilə talandığı haqda polisə müraciət edib. Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində aprelin 7-də şəhər sakini olan bir qadının 1000 manatını, qızıl-zinət əşyalarını və mobil telefonunu aldatma yolu ilə talamaqda şübhəli bilinən, Cinayət Məcəlləsinin 177-ci (oğurluq) maddəsi ilə axtarışda olan Cəlilabad rayon sakini, əvvəllər məhkum olunmuş Dövlət Alışov saxlanılıb.
