Cəlilbad Rayon İcra Hakimiyyətinin başçısı Rafiq Cəlilov və din xadimləri Dələli kəndində yerləşən məscidə baxış keçiriblər. Bu haqda məlumatı Cenublu.az bu gün, 18 may tarixində Report-a istinadən verir.
Bir qrup nümayəndə məscidə gələrək yanğının törətdiyi fəsadlarla tanış olub. Hadisənin araşdırılması və tədbir görülməsi üçün aidiyyəti orqanların nümayəndələrinə xüsusi tapşırıqlar verilib.
Yanğının səbəblərinin araşdırılması xüsusi nəzarətə götürülüb.
Qeyd edək ki, ziyarətgahın məscid hissəsində mayın 16-sı baş vermiş yanğın haqda məlumat vermişdik.
