Bu gün, 1 may tarixində Azərbaycan Silahlı Qüvvələrinin baş leytenantı və hərbi tibb qulluqçusu, Vətən müharibəsi şəhidi Nurlan Fərəməzovun mövlud günüdür.
Fərəməzov Nurlan Əhliman oğlu 1992-ci ildə Astara rayonunun Təngərüd kəndində anadan olub. Orta məktəbi Təngərüd kənd tam orta məktəbində bitirib. 2009–2015-ci illərdə Azərbaycan Tibb Universitetinin (ATU) Hərbi tibb fakültəsində təhsil alıb.
Vətən müharibəsi zamanı gedən döyüşlərdə yaralı hərbçiləri döyüş meydanından çıxararkən 9 oktyabr 2020-ci il tarixində şəhid olub. Şəhidimiz oktyabrın 10-da doğulduğu kənddə torpağa tapşırılıb.
Ölümündən sonra “Vətən uğrunda” və “İgidliyə görə” medalları ilə təltif olunub.
