Bu gün, 13 may tarixində Azərbaycan Silahlı Qüvvələrinin əsgəri, Vətən müharibəsi şəhidi Elgün Aqil oğlu Mikayıllının mövlud günüdür.
Elgün Mikayıllı 2001-ci ildə Masallı rayonunun Xıl kəndində anadan olub. 2007-2018-ci illərdə Ə.Bəylərbəyov adına Xıl kənd tam orta məktəbində təhsil alıb. 2019-cu ildən Azərbaycan Silahlı Qüvvələrinin Beyləqan rayonunda yerləşən “N” saylı hərbi hissəsində müddətli həqiqi hərbi xidmətdə olub.
Vətən müharibəsi zamanı Füzulinin azadlığı uğrunda gedən döyüşlərdə savaşıb. Elgün Mikayıllı oktyabrın 14-də Füzuli döyüşləri zamanı şəhid olub. Masallı rayonunda dəfn olunub.
Ölümündən sonra “Vətən uğrunda” və “Füzulinin azad olunmasına görə” medalları ilə təltif olunub.
