SON XƏBƏRLƏR

Astara rayon İcra Hakimiyyətinin başçısı boks üzrə Avropa çempionatının qalibi ilə görüş keçirib. Bu haqda məlumat bu gün, 17 sentyabr tarixində icra hakimiyyətinin rəsmi saytında paylaşılıb.

2021-ci ilin iyulunda Tbilisi şəhərində keçirilən Avropa birinciliyinin finalında Rusiya idmançısı ilə qarşılaşan boksçumuz Məhəmmədəli Qasımzadə gümüş medal qazanmışdır.

Ərçivan qəsəbəsi 3 saylı orta məktəbin IX sinif şagirdi olan Qasımzadə Məhəmmədəli, bu ilin may ayında Monteneqronun Budva şəhərində və iyun ayında Belarusiyanın paytaxtı Minsk şəhərində keçirilən boks üzrə Beynəlxalq turnirlərin qalibi olmuşdur.

Məşqçi Nurlan Məmmədovun rəhbərliyi altında çalışan Məhəmmədəli Qasımzadə 2019-cu ildə məktəblilər arasında keçirilən Avropa çempionatının da birincisidir.

Yüksək nailiyyətlərinə görə Məhəmmədəli Qasımzadəni təbrik edən rayon İcra Hakimiyyətinin başçısı Qəzənfər Ağayev ona gələcək yarışlarda uğurlar diləmiş, qiymətli hədiyyə ilə mükafatlandırmışdır.