Astara rayon Pensər kənd 2 saylı tam orta məktəb-liseyin 10-cu sinif şagirdi Salman Zaman oğlu Hüseynov Yaponiyada keçirilmiş 53-cü Dünya Kimya Olimpiadasında 3-cü yer tutub. Bu haqda məlumat avqustun 2-də Təhsil Nazirliyinin rəsmi saytında dərc olunub.
Qeyd edək ki, olimpiada 25 iyul – 2 avqust 2021-ci il tarixlərində onlayn formatda keçirilib. 79 ölkədən 312 məktəblinin qatıldığı olimpiadada ölkəmizi 4 məktəbli təmsil edib. Onların biri Astara, digərləri isə Bakı və Gəncə orta ümumtəhsil məktəblərinin şagirdləridir. Təmsilçilərimizin hər biri bürünc medal qazanıb.
