Astara rayonunun Şümrüd kənd sakini Eynəli Əzizovu öldürən şəxs saxlanılıb. Bu haqda məlumatı Cenublu.az bu gün, 5 may tarixində Lent.az-a istinadən verir.
Belə ki, polis və prokurorluq əməkdaşlarından ibarət istintaq-əməliyyat qrupu tərəfindən birgə keçirilən tədbirlər nəticəsində rayonun Şümrüd kənd sakini, 27 yaşlı Aslan Şüvünəliyevin şəxsi münasibətlər zəminində balta ilə 54 yaşlı Eynəli Əzizova xəsarətlər yetirərək qəsdən öldürməsinə əsaslı şübhələr müəyyən edilib. Aslan Şüvünəliyev iş üzrə şübhəli şəxs qismində tutularaq istintaqa cəlb edilib.
Faktla bağlı Astara rayon prokurorluğunda Cinayət Məcəlləsinin 120.1-ci maddəsi ilə (qəsdən adam öldürmə) cinayət işi başlanılıb.
Qeyd edək ki, E. Əzizov əvvəllər bələdiyyə sədri olub. Daha sonra isə o, Astarada yerləşən orta məktəblərin birində müəllim işləyib.
