Bu gün, 12 noyabr Azərbaycan Respublikasının Konstitusiya günüdür. Bu münasibətlə Astara rayonunun bir sıra məktəblərində və folklor evində tədbirlər baş tutub.
Astara rayonu Rüdəkənar kənd ümümorta məktəbdə, M.Ə.Sabir adına Astara şəhər 1 saylı tam orta məktəbdə, Z.Ə.Əhmədzadə adına Pensər kənd 2 saylı tam orta məktəb-liseydə, o cümlədən Pensər folklor evində Konstitusiyanın qəbul edilməsinin 26 illiyi keçirilib. Bayram ilə əlaqədar məktəblərin foyesində rəsm sərgisi təşkil olunub.
Qeyd edək ki, Azərbaycan Respublikasının Konstitusiyası 12 noyabr 1995-ci ildə keçirilmiş referendumda qəbul edilib. Ulu Öndər Heydər Əliyevin 1 noyabr 1996-cı il tarixli Fərmanına əsasən hər il noyabrın 12-si Konstitusiya Günü kimi qeyd edilməyə başlandı.
