10 noyabr tarixində günorta radələrində Hirkan Milli Parkının Astara rayonu ərazisində yanğın qeydə alınıb. Bu haqda məlumatı Fövqəladə Hallar Nazirliyinin rəsmi saytı paylaşıb.
Belə ki, baş vermiş yanğın nəticəsində təqribən 1 ha sahədə xəzəl və qurumuş ağac kötükləri yanıb. Yanğın FHN-in Dövlət Yanğından Mühafizə Xidmətinin yanğından mühafizə bölmələri tərəfindən söndürülüb. Ətraf ərazilər yanğından mühafizə olunub.
Qeyd edək ki, yanğınsöndürmə işləri mürəkkəb relyef şəraitində aparılıb, əsasən əl əməyindən istifadə olunub.
