SON XƏBƏRLƏR

Cəlilabad rayon sakini evdən çıxaraq geri dönməyib. Bu haqda bu gün, 18 noyabr tarixində Cenublu.az xəbər verir.

DİN-in Mətbuat Xidmətinin Lənkəran regional qrupunun baş inspektoru, polis kapitanı Məhəmməd Rzayevin verdiyi məlumata əsasən, 46 yaşlı Cəlilabad rayonunun Sabirabad kənd sakini Xalidə Xeyrulla qızı Əliyeva itkin düşüb. O, 15 noyabr saat 11:00 radələrində evdən çıxaraq naməlum istiqamətə gedib və indiyədək qayıtmayıb.

Xalidə Əliyevanın əlamətləri bunlardır: Boyu 155 sm, gözləri qonur rəngdədir, orta bədən quruluşludur. Evdən çıxarkən əynində boz rəngli köynək və qara rəngli şalvar olub.

Onu tanıyanlardan və barəsində məlumatı olanlardan DİN-in “102” Xidməti Zəng Mərkəzinə, həmçinin Cəlilabad Rayon Polis Şöbəsinə 055-248-17-33 nömrəsinə zəng vuraraq məlumat vermələri xahiş olunur.