Lənkəran şəhərində yaşayış binalarından biri təhlükəli vəziyyətdədir. Bu barədə bu gün, 1 noyabr tarixində Cenublu.az-ın oxucuları məlumat verib.
Şəhərin Şirəli Axundov 3/5 ünvanında yerləşən 2 mərtəbəli yaşayış binası qəza şəraitindədir. 12 ailənin yaşadığı bina çökmə təhlükəsi ilə qarşı-qarşıyadır.
Sakinlər bildirir ki, 1875-ci ildə tikilmiş və hazırda uçma vəziyyətində olan binanın əsaslı təmir-bərpa işlərinə ehtiyacı var.
Onlar həmçinin qeyd edib ki, aidiyyatı üzrə müraciətlərinə baxmayaraq, problem öz həllini tapmayıb.
